nog iets anders

 

 

gedagtes

 

swiepende, vlietende oomblikke

van terugblik in tandem van tyd

oorsaaklike gevolge van hoekoms

ook waaroms, gesplete persone

 

drome

 

aangename togte op wolkemassas

soos wolkomberse in winternagte

wat al wat lelik is verberg in visioen

wat mooi en verdraagsaam kan wees

 

realiteit

 

deurwinterde ervaring van sinisme

oorbergse reistogte na nêrens en êrens

openhartige verdriet en smarte van nou

verguisende vernedering van wat was

 

hoop

 

deur donker duister van hierdie eeu

breek staande beloftes deur die mis

beloftes van diė God wat lewend is

wie geloof, hoop en liefde verkondig

 

© Tearlach.