Ons het tyd
Tyd leef in ñ leeftyd betaal
in al jou vreugdes
opofferings, selfs wanneer jy val;
wanneer jou bloed nog vurig klop
tel jy nie die tyd nie
jy lewe vir môre
vir nog ñ kans,
maar wat is die prys
as die lewe nog deur jou are bruis
en jy vanselfsprekend alles aanvaar
en dit vervloek as dit jou behaag?
So asof jy ñ môre-oggendson verdien
om al jou duister aande nuut te maak
vir nog ñ begin,
ñ weer probeer,
maar die mens is nietig,
treurig,
so afhanklik in gemak,
so lief om hul onsmaaklikhede
oor ander uit te braak;
hier is jou kans,
jou liggaam is meer as gewillig,
geseënd is jou asemhaling
en jou nugter denke,
Waar lewe jy?
Vir wie en na wat
smag jy
as jy jou oë elke oggend oopmaak?
Jy is geseënd,
jy is geliefd,
wat ñ voorreg het ons
nog in tyd.
Chantelle Holder
© 2015
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
2 Kommentare
-
-
Somerreën
Dankie Sonja, wat het ons wanneer die uurglas uitloop. Kosbare tyd. Dankie vir jou terugvoer.
-
Maak 'n opvolg-bydrae
Jy moet aangemeld wees om 'n kommentaar te plaas.
Sonja Peacock
Baie belangrike lewensles hier in jou gedig Somerreën, Baie mooi neergepen!