spyt

–
“ek het jou mos gesê”
–
smalende herinnering
aan waarskuwings vlieg
deur lug rond soos kartetse
op ‘n oorlogsfront
–
kouefronte kom en gaan
stadig kom die stuiptrekking
van ‘n koue winter tot ‘n einde
daardie laaste een is koud
–
mense kies links of regs
om te of om nie te doen nie
een volg die lewelose massa
ander staan terug en kyk
–
diepe spyt kom altoos laat
gevolg deur soektog na wysheid
ervaring – wanneer om te of om nie te
ware kennis en wysheid van Bo
–
volg hierdie leier of daardie een
wie volg watter een of gladnie een
voel gerus oor jou besluit of voel spyt
moet nie ander verwyt daaroor
–
elke aksie het spoedig ‘n teen-reaksie
wat verreikende gevolge in mense lewens het
wie soos skape verward in ‘n hok gedryf word
met elektroniese skok stokke is blind
–
maak van jou besluite elkeen iets goeds
gebruik die ware wysheid wat jy gekry het
op jou moeder se skoot – haar mond het dit
vir jou uit die Skrif geleer
–
©Teárlach