Carmen Edwards (Iron Lady)
Lees meer oor Carmen Edwards (Iron Lady)
BRONSKLAS
April 2021 – Oordenkingsprojek
3.Begrip
Met blinde oë sien ek
eintlik is die mensdom gek.
Almal stry hul eie stryd
koester ‘n skewe kromverwyt.
Mense is nie gemaak om kruise te dra
liefde is AL wat God van ons vra.
Tog sleep ons el-ke-dag die seekathel
wat ons tonge noop om te skel.
Kom kyk, waters van rus is net ‘n kniebuig weg
en eensklaps is jou hele lewe … reg.
Voetnota:
a) Kromverwyt – verwyt jouself deur ander se dade op jouself te impliseer.
b) Seekathel – Die wurgende knellende angs en emosionele pyn wat ons onsself besorg veral deur onnodige bekommernis en selfverwyt.
Iron Lady (Carmen Edwards)
Mei 2021 – OOP Projek
3.Stom
As die son opkom oor die hemel se koepeldak
en skyn oor die gehuggie waar ek plak
ruk my hart krampagtig saam
dat ek voor sulke skoonheid mag staan.
Iron Lady (Carmen Edwards)
Julie 2021 – OOP projek
2.Lewe
Mond glimlag wyd
siel gil luid
woede golf en kolk
verraad sny soos ‘n dolk
binne drup die bloed
buite verskyn die oggendgloed.
Iron Lady (Carmen Edwards)
Oktober 2021 – Akrostiese projek
1.Rykdom
Orals
kyk jy blomme, van
tjienkerientjee tot
orgidee en oumakappie.
By rivier en vlei en
êrens, selfs in die barre Karoo,
reg tot verby Kamdeboo.
IronLady (Carmen Edwards)
2.OkMooi
Orante of leeubekkies
kry skalkse kyke
terwyl hulle huppel in die wind.
oor Oktober hulle
blomme laat bloei
en hulle reuk laat
rol oor heuwels heen.
IronLady (Carmen Edwards)
SILWER KLAS
Desember 2021 – Metafoor projek
3.Parade
Liefde is humeure wat bots
woorde wat soos waters teen rotse klots
‘n tikkie omgee, ‘n knypie vergeef
baie giggel-laggies
in opdraand-daggies
maar vanaand lê ek knus aan jou sy
sedig paradeer ons dag verby.
Carmen Edwards (IronLady)
April 2022 – En toe… projek
3.Domkop
Hoe moes ek weet
liefde is harde werk en sweet
met deeltjies vergewe en vergeet
tesame met ‘n skeppie hartseer en ‘n lepeltjie leed?
Hoe sou ek kon raai
dis nie net Judas wat God sou verraai
dat nes ‘n Petrus die haan vir my sou kraai
en dat alle sonde se kierankies eendag gaan braai?
En toe lees ek Johannes drie vers sestien raak
en nou maak al my onkunde nie meer saak.
Carmen Edwards (IronLady)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...