Francois Meyer (Gedagtes)
Lees meer oor Francois Meyer (Gedagtes)
BRONSKLAS
April 2021 – Oordenkingsprojek
1.koekoekbeleid
kru krake krit
die soveelste kalendersnit
as die vloermoer vir gunspolitoer
stil stol met paaseierwit
die damkerk volg haasstarrige waarheid
leuens wat eggo in leeg eier naarheid;
drup geleende tyd
haastig verby volgens die koekoekbeleid
eeu vir eeu beur tetelestai voort
haas die basuin … soos dit hoort
© Francois Meyer
Maart 2022 – OOP projek
3.Landbou
daar lê te veel
gebreekte ploegskare
in ander se lande
omrede ons die geologie
van ons eie nie verstaan nie
Francois Meyer
April 2023 – KLUG projek
2.goëlende ratwerk
speekwerk van verwronge waarheid
goëlgly glad gerat
om asse van vertroue
waar samesyn kwyn
jakkalsdraaie wissel skelm
kunstig verweef in fopnuus
kolkende outeur van streke
ratdraaier van formaat
soos die draaiende takkool
sirkel van lig goël;
waarheid skelm-skelm verbuig
skrik skurke vir waarhede op krukke
gaande stop die wiel
snuit sirkels van kole wat goël
speekwerk versplinter krakend;
verdoof note van ratte wat draai
© Francois Meyer April 2023(Gedagtes)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...