Jongste aktiwiteit:

Jessica Venter
vir

Jessica Venter

Lees meer oor Jessica Venter

Brons klas

Mei 2018 – Moeders projek

3.Fondament

om ‘n ma te wees
is ‘n kuns om te bemeester
deur ma se voorbeeld
het ma met liefde
die fondasie van Afrikaans
in my hart kom lê
met sorg het ma dit benat
sodat dit kon groei
dankie dat ek by ma kon leer
hoe om ‘n ma te wees
want ma se liefde is kosbaar
ma se omgee is die fondament
waaruit my liefde blom
dis lekker om in Afrikaans lief te hê

©Jessica Venter

Junie 2019 Projek

2.Yspêrels 

as winter op die naat van haar rug
haarself kom uitstrek
glimlag die son flou
oor die doutrane
wat blink op haar wang
haar koue asem
drapeer ‘n sneeujas
oor haar skouers

wanneer sy haarself kom tuismaak
onder ‘n miskombers
vang sy yspêrels
om haar naakte skoonheid
mee te versier
val haar sneeuvlokkielag saggies
en trippel spierwit spore
deur die winterwasem

©Jessica Venter

Oktober 2019 – Kleur projek

3.Reënboog inspirasie

met elke sonsopkoms
blink hoop op die horison
as moedeloosheid my vreugde steel

musiek ewenaar die ritme van my hartklop
ek verloor myself tussen die lirieke
van my gunsteling songs

waar die see se deinings speel
skep my siel asem
dis waar ek tuis kom

langs die stilte van ‘n bosveldvuur
onder ‘n stergevulde maanligaand
omvou vrede my hart

maar my beste inspirasie
kry ek tussen my hartsmense
hulle verf my palet reënboogmooi
en maak my lewe die moeite werd

©Jessica Venter

April 2020 – Grendel projek

3.Onsigbare oorlog

n klein virus
slaan sy tentakels
oor die ganse mensdom
en versprei sy gif
onsigbaar
oor die hele aarde

tussen vier mure
laat hy ons ingehok
sommige eensaam
en alleen ingeperk
togesluit vir ons die beskerming
waar sy straf swaar
op ons skouers hang
terwyl hy lag-lag
steeds sy verwoesting saai

al sit ons agter slot en grendel
sal ons die onstigbare oorlog
uitwis en oorwin
want my God is soveel groter
as die duisternis se magte

Kopiereg Jessica Venter

Mei 2020 – “Ek wens dat ek…” projek

1.God se skilderkwas

elke sonsondergang
is skilderagtig mooi
as die son ons wêreld met sy rooigoud kom tooi
en sy strale jou saggies soen op jou wang
waar die maan homself halflyf aan die hemel ophang
en die skemer vroegaand sy skadu’s gooi
om die melkweg vol sterre te strooi
terwyl hy die kopergouddag met sy duisternis vervang

ek wens dat ek so mooi soos Hy kon verf
maar die waarheid is vasgevang in elke geur
net God het die mooiste skilderkwas
met die rykste kleurespel om ons mee te bederf
waarmee Hy ons aardse palet inkleur
om ons elke dag te verras

©Jessica Venter

SILWERKLAS

Oktober 2020 – OOP Projek

3.Immergroen

jou omgee versprei
soet soos die reuk
van ‘n yesterday, today and tomorrow
tussen jou hartsmense
waar jou koestering
menigte harte
se honger stil

jou gebede verfris
nes die eerste lentereën
na ‘n lang droë winter
en jou tuiste bied
‘n lafenis
vir ‘n dorstige siel

“and honey, your soul
could never grow old,
It’s evergreen”
die herinneringe
wat jy agterlaat
sal ons ewig bybly
want jou liefde
is immergroen
dis vir vandag,
môre
en vir altyd
tot ons mekaar
weer eendag sien

rus sag

©Jessica Venter
09/10/2020
*Interteks – Uit Ed Sheeran se liedjie, Thinking out loud

 

Augustus 2023 – MUSIEK projek

1.Wingerdwoorde

as jou spasies
decrescendo deur my gees
dan verstaan my hartseer
jou song

jy skilder elke emosie
met jou stiltes

want die hartklop
van elke noot
speel deur my siel
sy solo simfonie

maar my gedagtes
kleur jou eggo’s

wat weergalm
deur jou retoriese refrein
tóg kultiveer jou klank
my lofprysings

en smaak ek die soet vreugde
van jou wingerdwoorde

(C) Jessica Venter

 

Septemeber 2023 – OOP projek

3.Genade plooie

b-l-i-n-d
is die hart
wat slegs die mooi
van ‘n lyf onthou
l-e-e-g
is die siel
wat aan die wêreld
se skatte vasklou

ware rykdom
lê in hoe ons liefhê
dis die mooi van jou siel
wat my hart onthou
en al lê jou grys wysheid
teen jou slape
en jou oë se blink verdof
is dit deur genade plooie
wat ons liefdesjaarringe
laat blom
en los ons ‘n legacy
van hoe ware liefde lyk

dis die mooi van jou siel
wat my hart onthou
want dis in hoe ons liefhê
waar ons ware rykdom lê

(C) Jessica Venter
21/9/2023

 

Oktober 2023 – KORT projek

Eervolle vermelding

Stem in die wind

selfs in die ritsel van die wind

sal ek U stem hoor

 

(C) Jessica Venter

 

(4)




Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed
  • MVvW het n geregistreerde lid geword

  • Arnold het ‘n nuwe publikasie gemaak

  • Arnold het ‘n nuwe publikasie gemaak