Johan Jansen van Rensburg

Lees meer oor Johan Jansen van Rensburg

BRONS KLAS

Januarie 2022 – DRAMA projek

1.Wiskundig foutief (Covid 19)

Een komma vyf meter
eweredig gespasieër
praat die nuwe normal
wat die virus glo keer

Dis die afstand tussen positief en negatief
wat bedompig l ê en sus
agter ‘n masker of ‘n mus
gelate slaan ons elk die bal mis

Dat die absolute waarde van enige getal
altyd positief sal wees
positief na die liggaam
of positief na Gees

Nee! Die nuwe normaal wat positief vrees
een komma vyf meter
tussen jou en aftakeling
dis die somgetal, van waar die virus begin

Die afstand tussen jou mond en brein
gemeet skaars dertig sentimeter
dan die somtotaal tussen wat jy dink
bring jou lewe of laat jou sink

Dis mos wiskundig foutief
die absolute waarde van enige getal
Is altyd Positief
Ek is Positief

Johan van Rensburg

 

Januarie 2025 – OOP projek

2.’n Ou se U-draai

 
Omte U-draai
Kort ‘n ou “grip”,
skoene met rubbersole,
en ‘n pad van klip.

Mannemoed slinger
‘n Wye Es
oor ‘n ou se pynlike ervarings
en leer ‘n duur les.

Al knarsende oor die pad van klip;
van hartseer en van rou
skep ‘n ou momentum
om die koers te kan bly hou.

Omte U-draai
Verander ‘n ou se perspektief
Tot ‘n maltrap ervaring
van leed én van lief!
 
Johan Janse van Rensburg

 

FEBRUARIE 2026 – OOP PROJEK

1.Ouma se kombuis

Sou my huis kon proe
soos my ouma sin
koester klamme beskuit
snoesig in doeke gewin

beskermend sonder sorge
die geur van kaneel
veilig en geborge
waar alle seer weer kan heel.

ons hulp het verrys
uit die reuk van skaapboud en rys
gesondheid gegun
uit die meer – nie die min

melktert en souskluitjies
en more was ons beter !
toe meng die soet en die bitter
word asyn die eter

verlange vir ouma se kombuis

met ouma en kinders se gelag

ander wag in voorhuis

vir lekkerste eetgoed uit liefde gebak

 

Johan J van Rensburg

 

APRIL 2026 – PATRIOTISME PROJEK

3.Suid Afrika my hart

My hart brand stééds vir jou my vaderland!

Steeds laat ek langs wilgeboom my liefde vir jou vloei!

My voete trap nog spore oor jou warm sand

waar kole van onthou eer warm in my gloei.

 

Ons familiewapen pryk bo die vuurherd.

Ek voel geborge en veilig onder jou vlag.

Getrou bly ek – my wortels is diep en sterk!

Getrou bly ek – in donkerte en dag!

 

En is die goue vryheidsuur dan klaar…

Sing ek steeds trots my Volkslied sonder end

In die blou van onse hemel word ék die altaar –

dra ek jou letsels ongeskend

 

Met hand op hart en eer

Gloei my

liefde vir jou helder, keer op keer.

 

Johan J van Rensburg

 

MEI 2026 – OOP PROJEK

1.Die stoep

Op hiérdie stoep
strek ek vér agteroor
en rus my kop teen die verslete houtbank
met oulap se lappieskombers oor.

Hier lag ek diép uit my maag
en ek kerf heel repe dik geelvetbiltong
en ek voer die honde
wat hulle lui hier voor my vellies tuismaak.

Hier lees ek ure lank
ten einde die nasmaak van nostalgie
krummel-vir-krummel
in skywe koel melktert en lang glase gemmerbier
oor die horison verdwyn.

Op hierdie stoep
kou ek oopmond
en ek rook sterk pyptabak en luister stil
na waar die padda in die vleiland sy mater soek

en hier kan ek huil
en hier kan ek bid.
Op hierdie stoep
sal ek immer kan sit…

 

Johan Jansen van Rensburg

 

SILWER KLAS

JULIE 2026 – LAAT EK JOU VERTEL PROJEK

3.Vaste voet

 Laat ék vir jou vertel

van die hemel en die hel

en ‘n korpad van “tussen-in”.

 

“Tussen-in” is nie warm óf koud-

dis verslane sout,

en sy godsdiens is “almals’n”.

 

Jy sit op kortpad se draad

met jou maters en praat

en spog oor jou enkelspoor !

 

Maat, die uur sal kom

in jou welvaart vermom

waar God sal braak van jou lou smaak, hoor!

 

Jou woordevloed wek,

maar dis jou dade wat strek

en net die tweespoor van Sy genade is jou voetval vas!

 

Maat, vergeet nou jou spel

Daar ís ‘n hemel en ‘n hel.

en verbrand nou die kortpad tot as!

 

Johan Jansen van Rensburg

 

 

 

(1)