Larissa Beukes
Lees meer oor Larissa Beukes
BRONSKLAS
Januarie 2018 – Weerbeginprojek
2.Gebede met bewende hande
Dag na dag dink jy na oor jou lewe
Jou diagnose? Parkinson se siekte
Ek word gegroet met hande wat bewe
Steeds by jy een van my beste vriende
Na die aaklige nuus is my hart seer
In stil tye gaan ek op my knieë
Struikelend raak die tye al hoe meer
Dis asemrowend hoe jy nooit in sal gee
En op my knieë sê ek my gebed
En jy bly positief soos tyd verloop
Jou vriendskap? Die beste ding wat ek het!
Iemand so wonderlik kan mens nie koop
Jou moed inspireer my elke minuut
En die hoop wat jy skep bly nuut
© Larissa Beukes
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...