Leigh Olivier – Boekebessie
Lees meer oor Leigh Olivier (Boekebessie)
BRONSKLAS
MAART 2025 – OOP PROJEK
1.huishunker
Ek is siek van verlange. Ek
wil huistoe gaan. By klam
gras en doudeurdrenkte
bome wil ek aarde ruik en
water sien en rooiborsies
hoor. Ek wil huistoe gaan.
Waar reuse klippe eeue lank
oor heuwels tuur, en
skouers skuur met katedrale
waar ek van oertyd af weet
my siel behoort. Waar dit
koel is, waar die lug soos
groengras proe en die wind
na see en tyd ruik. Waar in
Augustus my geboortedag
met sterrereen herdenk
word, en April se goudgeel
affodille my smôrens
buigend groet. Die wind mis
- Die see sug kom t’rug,
kom t’rug. Ek wil huistoe
gaan. Ek is siek van
verlange
Boekebessie – LEIGH OLIVIER
(4)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...