Marthie Joubert
BRONSKLAS
MEI 2024 – OOP projek
1.Jy wen
Ek kyk op
na die kuiltjie in jou ken
en weet dié rondte het jy gewen,
jou stem diep, ryk…
laat sewentig jaar se pyne wyk.
Jy sit weer die huppel terug in my stap,
jou pittige sê-goed en vrolike lag
kom lepellê hier diep in my hart.
Marthie Joubert
Desember 2024 – Kersfees projek
1.Boemelaar
Op karton onder die ou brug
wonder die boemelaar en sug
waar sy dierbares nou sou wees
op hierdie Heilige Kersfees.
Marthie joubert.
(2)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...