Rika Gerryts
BRONSKLAS
NOVEMBER & DESEMBER 2025 – OOP PROJEK
3.Altyd nuut
op die tong van ‘n kappertjieblaar
rol vars douwoorde silwer gerond
en as jy luister na hul fluister
sou jy weet gister’s verby -dis klaar-
die son beloof ‘n nuwe begin
vroegoggend waaierstert sy speke
my dankbaarheid sal hy verstaan
as ek tog maar net in geel kon sing
in blare takke kwetter en kweel
‘n koorsang van vrolike liedjies
as jy voellirieke kan ontleed
hoor jy elke dag begin weer heel
vandag omhels my met sysagte
glans van al Sy troue genade
snags skuil ek onder ‘n donskuiken kombers
Sy troos in soveel donker nagte
©Rika Gerryts
(1)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...