Tania Pascheka
Lees meer oor Tania Pacheka
BRONSKLAS
Junie 2020 – Vryheids projek
1.Vryheid gekoop deur U
in die wind wat ritsel deur die bome
en die duifie wat koer koer oor die horison
met die son wat glinsterend loer oor die gesigseinder
daar vind ek my vrede
in die branders wat breek
en die geluid van die see se gesuis in my ore
met die mis wat my saggies soengroet op my gesig
daar vind ek my rus
in die Woord wat ooplê op my tafeltjie
en die vroeë oggendgesprekke met die Here
met kersies wat flikkerend heerlike geure afgee
daar vind ek my stiltetyd
in die moontlikheid deur Sy genade
en Sy liefde wat ons omhels in seën
met duur dieprooi bloed ons gekoop
daar – en net daar – vind ek my vryheid
©️TaniaPascheka
3.Skrywersvryheid
Van die dag wat my ink kon gly oor blad, my vingers kon dans oor letters
Rakend aan woorde wat liedere speel op my hart se snaar
Ydele gedagtes speel uit soos feë wat baljaar in die maanlig saans, sprokiesagtig
Hemel op aarde moet voel soos diè
Etlike oomblikke waar ek voel nie meer eensaam en alleen
In papier het ek my vriend gevind, in jou oor weergalm dit treffend
Dit is werklike vryheid
©️TaniaPascheka
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...