Thérèse Fensham
BRONSKLAS
Augustus 2021 – As die blare val projek
1.’n Gedig vol Ivyblare
Kan ek jou muse wees, my lyf
oordadige rubens-kontoere
’n sluimerende noot in jou hande
in die donker kamer skyn my vel
moesiewit, sag voue van helder water
en jy drink deur verskemerde oë
as jy opstaan onthou ek jou reuk by
die venster toe ons lag oor die kat
wat sy voetval verloor het
en ek dink aan ’n aand van warm jasmyn
vir die eerste keer my melksoet rondings
onder groeiende walms van jou
soms moet mens weggaan, liggaam alleen
kil spore trek soos bedelaarsente, om te
weet hier by jou is ek rankende inspirasie
so ken ons mekaar vandag met salf
en seer, want ek is hier om te bly by
jou, in ’n stadig smeulende simbaal
van die lewe
Thérèse Fensham
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...