Velma Barnard – Woordwewer
Lees meet oor Velma Barnard (Woordwewer)
BRONSKLAS
Desember 2021 – Metafoor projek
2.Volla sonder spoed
die steilte styl verwoed
toe ek in die volla truspieël blik
onder my hand se greep
krap ratte klik-klikke-klik
my senuwee en spiere spring
met meer boksprong
as my tjor se spoegspat klim
die enjin swoeg ‘n hyg geploeg
met oorverhit se kwylstroom spoeg
stol daai enjin bo-op die bult…
die klok slaan twaalf,
tyd vlieg verdwaald
die laaste pylvak uit
want nog ‘n jaar
het ons sowaar
in swaarsug moeg kom groet
Velma Barnard
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...