Wilmari Marx
BRONSKLAS
JULIE 2025 – SKADUWEE VAN TYD PROJEK
3.Ek onthou
Ek verlang
Ek verlang na die dae,
toe kinders se aandklok die son was,
skermtyd nie getel was,
Procydin net vir grootmense was,
‘n kind se seer net van val was,
kerk toe gaan ‘n prioriteit was,
stories om die kombuistafel gedeel was,
kultuur nog ons trots was,
familietyd belangrik was,
geld nie alles was,
‘n boks, speelgoed was,
dood nie so alledaags was,
diefwering nie nodig was,
piekniek langs die paaie nog moontlik was,
niks drome te groot was,
kerk toe gaan saam jou ouers ‘n moet was,
die Here nog in skole was,
toktokkie speel nog pret was.
Ek verlang na die dae
wat die wêreld nog heel was,
die mooi waardeer was,
tyd nog kosbaar was,
die Here genoeg was!
Wilamri Marx
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...