WJ Draaier
BRONSKLAS
DESEMBER 2023 – VELDSLAG PROJEK
3.Vegkop
Hierdie bloedslag het ons nie beplan, vyftig waens in ‘n laer saamgespan, Mag God ons smeekbede verhoor,
Silkaats kom weer plunder en moor.
Boesman Kam het die tyding gebring:
oppad teen ons in die kring,
‘n legioen van skalks vyf duisend man, honderd en vyftig keer meer as ons span.
Hoe kan ons die aanslag weerstaan,
ons ammunisie is amper gedaan.
Ons vee oor generasies geteel, sal verdedig met bloed voor hul steel.
Wawiele gebind en styf vasgetrek,
snaphane gevoer in die bek.
Op ons Skepper en vuursteen en haan,
berus ons voortbestaan.
WJ Draaier
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...