Martha Maria Jones
Lees meer oor Martha Maria Jones
BRONSKLAS
JUNIE 2026 – STREEK/OMGEWING PROJEK
2.Buitelyne van grond
ek onthou nie straatname nie –
net stof teen my enkels
rooibruin grond wat brand en losmaak
die veld woon in my are
geel gras fluit deur bottelnek-lug
vergete vokale in die wind
die Khan lê oop in skemer
bobbejaan-spieëls breek lig
erongoberge skuif hul buitelyne
die lug rek blou – stil
ek is kind van wind en grond
sonskyn, sout in my mond
SEPTEMBER 2026 – OPINIE PROJEK
1.gety
sy woon tussen rakke
waar vergete vokale
soos voëls rus
sy versamel
see-sagte sillabes
brose breekwoorde –
klein fossiele van die tong.
dit ruik na branders
na ‘n kind
wat deur soldate hardloop
na ‘n digter
wat te vroeg uit die wêreld
se sinne verdwyn het
dan maak die versamelaar haar hand oop
iets met branders
iets met ‘n stem
iets sonder ‘n liggaam
‘n naam
vol sout
‘n keel
vol wier
Sommige woorde weier om te sterf.
@marthamariajones
(2)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...