Surika van der Merwe
Lees meer oor Surika van der Merwe
BRONSKLAS
SEPTEMBER 2026 – OPINIE PROJEK
3.Droom
Die wêreld behoort aan my,
die son sak stadig agter die horison,
en die wind fluister deur die droë gras.
Ek staan en luister
na die stilte se stil,
waar elke oomblik
soos ’n geheim voel.
Môre wag daar nuwe paaie en draaie,
het ek sopas besluit:
vanaand behoort die wêreld net aan my.
Ek wil opstaan
wanneer ander moed verloor,
en my stem laat hoor
waar stiltes te lank dreun.
Ek wil die wêreld
nie net bekyk nie,
ek wil my hande breek
om dit te verander.
Ek wil loop
waar armoede kinders se drome steel,
en hoop plant
waar daar net honger en ellende is.
Ek wil vir elke kind
’n kans gee,
’n bed om in te slaap,
’n tafel met kos,
’n skool vol moontlikhede,
’n tas vol klere.
Ek wil baklei vir huise
waar liefde is,
waar harte veilig voel,
waar geen mens
bang hoef te wees nie,
en niemand
hoef te huil nie.
Ek wil teen moord en geweld opstaan,
teen hande wat seermaak,
teen monde wat verwoes.
Ek wil die wêreld leer
dat niemand die reg het
om ’n ander se liggaam
of lewe te steel nie.
En waar vrees heers,
wil ek vrede se stem
harder laat praat.
Ek kan nie alles
alleen verander nie,
maar ek kan daaroor droom.
Want selfs ’n klein liggie
kan ’n donker kamer vul,
en een stem
kan duisende ander wakker maak.
As almal
maar net dieselfde droom
as ek gehad het!
Surika vd Merwe
(1)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...