CH Nel
BRONS KLAS
Herfs
3.Amber liefde
Roes rooi vertoon ons
as ons val
van bome van die hart
As ons wankel in
ons ruimtes
onmeetlik so vol
van smart.
As die son goud drup
oor die vlakte
en die gras waai
soos golwe prag
Tot wanneer herfs
knip oog
vir die winter
Sal ek op jou wag.
”Amber rus ons liefde,
in afwagtiging
dat dit wéér ontspring”
Vir ewig aan
ons hartklop
n rusplek
en versugting bring.
Na die herfs se
wonder kleure
Selfs na die winternag
se kou,
wanneer lente son
rinkink
En die somer
nader wink.
Selfs dan rus sagte
lief wees,
in stom afwagting
om arms om mekaar te vou
opnuut weer te ontspring.
@ CH Nel
Carpe diem
2.Jy sal daarin bestaan
Vertaal in tyd my hand omkeer
skryf in ritme die verhaal
Verdoessel al die stil verkeer
in sonkleed van jou taal
Wanneer tyd aanstap elke uur
sal die oomblik nie vervaag
Deur elke goue kans verduur
sal die Jy daarin bestaan
Carpe diem – gryp elke kans
want tyd loop vinnig uit
As ek met jou die lewe in dans
gly deur die jare vooruit
Stop vir n oomblik, die dans is stom
die einde is nader in die dood vermom
Deur Ch Nel Venter
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...