Hermien Strumpher
Bronsklas
INK gedenkbundel – Desember 2016 en Januarie 2017 projek
3.Kolmanskop
Jou dorp lê in puin
jou stem van gister
weg gekwyn
gedaantes
sweef oor jou Maanlandskap
los vir jou diamantskimme
‘n verweerde nalatingskap
hoor jy die seewind vanaf Lüderitz
hy bring vir jou gesifte sand
jy word ingeloop
verskeur
deur die woestyn se hand
jou rykdom goedkoop verpand
nou brand dit koud in jou kaggelvuur
dis verby
jou laaste uur
Bouvallig staan jou koningryk
Jou doodsvonnis
uitgereik
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...