Koekekranka – Paul Pretorius

Lees ander bydraes deur Koekekranka

BRONS KLAS

Winter-nostalgie projek

2.Lappies

“Ek sê ek sê naand daar my Pêl!
Hoe lyk’it nou in djou se vel?”
“Ag neiwat, hiersô bakgat reg
solank my Dolla langs my lêg!”

(Maar koutes bly sy kaaltes knyp
as wind die lappiessinke gryp.
Dan wiet hy mos hy’s weggooigoed
al loep hy brêk met veer in hoed;
want sawends leg hy Huilwind-in
en droom van Miet van Kleinbegin.
Hoe dáárie vers daai heupies swaai
maak mos sy kop soos dronkword draai!)

“Pêl, om te moan help boggerôl
want moan is just like honnedrol:
Bruin en blink as die hond dit skyt
en more? Wit soos oulap-spyt!”

(Hy droom nog steeds van Wakkerstroom
se groengras en daai wilgerboom
maar as dagbreek kom dan lêg hy krom
van Yswind wat deur skeure kom…)

@ Koekekranka

‘n Stem vir Gesondheid – 1 Nov tot 30 Nov 2016

3.Alsheimer’s, demensie en verlies van geheue

Twee doodsgordyne wat eens oë was
verstar sielloos, sienloos verby my blik
en eens se lewensglans word dowweglas,
tydsamig-gou tot onbegrip verstrik…

Verward, verdwaal, het ek toe haar gevind
(met min onthou!) in son se bloedig’ heet,
haar kaak geklemd en hare ongebind,
die rug verkrom …my en my naam vergeet!

“Kom help, ek soek al heeldag na my ma…”
teem sy met oё starend in die niet.
“Maar waar was Ma?” het ek benoud gekla.
“Kom, laat ons huistoe gaan!” het ek gebied.

…En toe het ons -deur Alsheimer’s venyn-
tot met haar dood ons ma’s bly soek in pyn…

@Koekekranka