Lizanne Kruger
BRONSKALS
Julie 2023 – OOP projek
1.kleinletters vir ’n vooskop
ek het vir ‘n wyle vergeet
dat dit toe nie die son is wat draai,
maar dit maak glad nie saak,
want alles om my is nou so
donnerstotvergetenstoe deurmekaar
dat tot ek ook glo die kat snags op my dak
‘n lover uit ‘n vorige lewe was
wat sy asemsnoet weer sag
in die holtes van my crazy kop kom druk.
kyk, sê hy, ek is die asem wat
jy moet hê sodat jy jou dink
langs die regte draadjies kan stuur,
want soms fuse jy en dan spring
stompneusletters uit by jou mond
en ek sit nie altyd op jou dak
en keer dat jou se kleinwoorde
neig om te groot uit te kom.
Lizanne Kruger
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...