net kulu
BRONSKLAS
MAART 2024 – OOP PROJEK
2.IKARUS
Ek en die sterre van Orion hou ‘n nagwaak vir jou
Sodat jy jou pad sal vind deur Nastergal valleie
Sodat die mis voor die Noordster kan verdwyn
En jy jou voetpad naby aan die son sal vind
Ek en die heelal huil oor jou
Oor jou vlerke wat sleep in die onvrugbare grond se stof
Oor die distels wat groei in jou lande
Oordat jy te moeg is om saammet ‘n Dandelion te droom
Ek en die see roep heeltyd jou naam sodat die Hemel kan hoor
Sodat jý kan hoor waar Neptunus se waarheid lê
Sodat jy op die water kan loop en nie meer bang sal wees
Sodat jou storm kan stilraak en ons saam in die golfies kan giggel
Ek en die blomme stroei blaartjies in die wind
Sodat jy soos Hansie en Grietjie nie verder sal verdwaal nie
Sodat my sonskyn genoeg sal wees vir jou om terug te kom
Sodat jy sal omdraai Ikarus, voor die son jou insluk en my hart uitbrand
net kulu
(1)
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...