Papillon
Brons klas
Oktober 2018 Projek
3.Kartonbord van ‘n bedelaar
‘n Tsunami bedelaars op straathoeke,
met kartonborde, wat bakhand vra
‘Ons baba het geen kos en doeke’
“Askies meneer, dat ek pla…”
‘Geen kos, geen werk, siek vrou…’
Vir elke kleingeldjie dankbaar
“Die Here seen vir jou”
Honger, arm, vuil, maer…
Met vetkryt uitgekrap
‘Help asseblief, God bless’
Of wit geverf die riel trap,
Geld vir sy kinders, vyf of ses.
Moenie oordeel – ons bedel elke dag voor God…
“Here, spaar my asseblief hierdie lot!”
(Engelse Sonnet)
Papillon
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...