Pat Viljoen
BRONS KLAS
Julie 2018 – Oop projek
3.Jong oumens
Met ogies wat deur trane swem
is sy ‘n kleinmens met ‘n oumens stem
wat veel ouer as haar jaar vertel
“ek weet ek moenie, maar ek kan nie keer
ek ‘worrie’ oor almal se seer”
my hart wil haar hart bedek
as ek dink aan die wêreld en al sy onreg
sy is ‘n kind wat moet speel en baljaar
nie volwasse genoeg om hierdie laste te dra
hoe beskerm jy teen al die boos
watse woorde gebruik jy om te troos?
hierdie swaar belaaide jong oumens
is in jare maar net ses
©Pat cV
September 2018 – Spyse vir die siel projek
2.Waters van rus
Kom vat my hand en lei my
tot waar waters van rus
na my siel toe roep en ons sy aan sy
in vrede se stilte wroeging uit kan blus
lei my tot waar die piet my vrou
en die nagtegaal se melodie
my hart opnuut toevou
in die lewe se liefdes simfonie
kom stap langs oewers waar winde fluister
oor vergifnis en vrede en rus
en ons in stilte na Sy stem kan luister
totdat ek wegsink in vreugde se lafenis
en mag die donker wat alles omvou
vedwyn soos die vroeër oggend dou
(c) PcV
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...