See-Jay-El (CJ Laing)
Lees meer oor See-Jay-El (CJ Laing)
BRONS
November 2018
2.Ontvlugting
Neem my op reis
na Normandië,
waar kobaltblou branders
breek oor wit strande.
Kom ons hardloop
deur rooi papawerlande;
waar heuwels hang
aan die Franse son.
Ons oes die geure
van die noorde;
vermy die stede!
En later swerf ons
tussen Vincent se stêrre
tot by Arles, in die suide.
Ons baljaar in weerbarstige
kleure van die aarde;
kuier by boere;
Voer mekaar groen olywe…
Klink ‘n laaste glasie Rosé.
En sing in triomf
soos Edith Piaf:
“Non je ne
regrette rien!”
See-Jay-El
Desember 2018 projek
Eervolle vermelding:
Slot
Stomp, die dolk
wat klief
deur die rou wond
van ‘n gekweste siel
draai, dryf, druk
dieper die lem
tot waar etter
vlak onder ou letsel lê.
Sweersels verwyt
verswelg die lug
met beskuldiging.
Die jy en jy;
die ek se pyn –
Joune en myne!
Eindelaas
hang slap hande
langs ‘n lam lyf,
en uit ‘n gebalde vuis
val die laaste veer
geruisloos –
plof op die aarde neer.
Daar is niks meer
om te verklaar
in die verhaal van
twee siele totaal uitpas
Naakte harte, kaal,
ewige gelapte skaad.
© CJ Laing 30/12/2018
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...