Theresa Postma
Bronsklas
Desember 2019 – Dans asof niemand kyk nie projek
1.Laaste dans van Grovenor
Dans vir my jy wat die hellevaart van die wind in jou seilree dra
jy met die uitgebolde maste en kruistogte
dans vir my as jou skeepskiel die vaarwaters breek
jy wat kyk na die gange van die maan.
Dans vir my jy wat kom deur die nag op die diepseeblou
en soos ʼn groot hand landwaarts stuur
jy met die driedubbele dek en wapperende vlag.
Dans vir my as rotse die dreunsang van jou kanonne stukkend slaan
en jou ankerketting laas na die bedding sak
daar waar die skadu’s spoel oor sterblom en wier.
*Die Grosvenor, ʼn Britse vragskip, loop laataand op 4 Augustus 1782 op die rotse te Lambasibaai
Theresa Postma
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...