dagberaad
voor sonop sit ek klaar
op my uitkyk punt
elke oggend was ek daar
die vlakte onder my
nog blou in skadu gehul
ek hoor voëls ontwaak
al my aandag bly gespits
op die rooibruin rots
troon van dié bosbokram
hiërargie lank reeds gevestig
hierdie is sy weiveld, sy berg troon
hier heers hy met sy ooie
dan verskyn hy majestieus
sy horings skerp na bo
stamp sy voorpote op klip
basuin sy uitdagende blaf
wat van kloof na kloof weergalm
tot hy sy terugvoer kan hoor
in hierdie magiese oomblik
sien hy my doodstil sit
en kyk hy meewarig na my
want hy sal hier heers
na ek al vertrek het na êrens
sal sy nageslag kom blaf
so is dit ook nou met my
ek hoor sy blaf in die golwe
en weet dit kan sy kleinkind wees
©Teárlach.
Maak 'n opvolg-bydrae
Jy moet aangemeld wees om 'n kommentaar te plaas.