Skuld Verrekening

die strooisvloer blink
nuwe potte, beddegoed netjies gepak
teen roesmode gekleurde sinkplate
die gumba gumba raas
en sy sing saam
gelukkig in haar buurt

in blink pikswart motor
sit mevrou knus op leer
gesus deur Mozart klavier
op dié Boss klanksisteem
en sy sing saam
gelukkig in haar buurt

môre oggend lê dagvaardings
in township jaart
en op blink lessenaar
formeel deur hofbodes bedien
met een en dieselfde
wins bankkrotskap

© Koos Elsum