Vertrek Vertraag

dis oggend donker
tasse staan gepak
wag vir optel
na vertrek
punt

karre kruip
spits verkeer oppad
teen sonop
na vertrek
punt

deure waai oop
mense, tasse val
haastig in toue oppad
na vertrek
punt

elektronika rits oop
jou bestaan te beaam
ontsluit die toelating
na vertrek
punt

meganiese stem roep
straler in ys vasgevang
toelating vertraag
na vertrek
punt

mens, masjien vuur
gesinchroniseer
dan vries yskristalle
die vertrek
punt