Suiderkruis

Suiderkruis

ek fynkam die uitspansel
vol sterretekens gekarteer
iewers wag ‘n ster uniek
‘n skitterster net vir my

daar waar die Suiderkruis wys
die baken van noord of suid
daar sal ek liggies ‘n ster pluk
‘n rigtingwyser weer vir my

jy was my rigtingwyser
my noord en suid gewees
veilig uit dwaalspore gelei
my lewe weer rigting gegee

bedags sal ek styf vashou
jou rigtinggewende ster
saans sal ek jou weer
saggies laat terugkeer

©Marianne Buys
30 Mei 2021 10:02
Foto PADLANGS