Onseepkans (Goud)

ek is ’n gebore kanaalaap-kind van Upington

met modder van die Oranjerivier aan my voete

 

ek ken die hitte van die bloedige son op teer

as ons stop-stop hardloop na die munisipale swembad

 

by Onseepkans, waar die rivier sy draai onthou

en mens kans kry om seep af te spoel

 

hier skryf mense hul kom-en-gaan

teen die wind en hitte van hierdie streek

 

ek lees nie name nie, ek lees verlange

Springbok toe, Pofadder toe, huis toe … weg

 

en onder die skraal genade van ’n enkele boom

hoor ek die Oranje nog diep met mý praat

 

©MarleneErasmus

16/06/2026