Welkom, Besoeker
Welkom, Besoeker

Navigeer Tema

Hemel

Die wonder van Kersfees.

Deur Datum gepubliseer: 1 Desember 2022 1

Die wonder van Kersfees.

Dit is amper Kersfees. Vir my is en bly Kersfees ʼn wonder, maar ongelukkig het die wêreld hier wondergebeurtenis kom verander in tyd vir vakansie en geld spandeer op onnodige dinge. Die “blink wonders” in winkelsentrums en op televisie het ons blind kom maak. Blind vir…

My doringhart vlinder-vry

Deur Datum gepubliseer: 18 September 2022 4

Toe jou sagte glimlag my bereik
het my hart snellend posgevat
gesweef op ‘n maanvlinderpad
word die stratosfeer ‘n nuwe koninkryk

want die grond van my hart was bevlek
hard en vlak met dorings oortrek.

©Z.Kochk

Jou tong

Deur Datum gepubliseer: 31 Augustus 2022 5

In jou dagboekfragmente
dra jou getoomde tong
nie ‘n skerpioen-angel
wat my seer steek nie
maar die mooiste woorde
hy sê ons sal saam floreer
met ‘n reënboogbelofte van lewe.

© z.kochk

Hier is huis

Deur Datum gepubliseer: 29 Augustus 2022 8

Hier is huis (Brons)

waar my bed is en my vrou
daar is huis, het jy altyd gesê
nou’s ons bed nog hier en ek
maar sonder jou
tog is dit nog huis
voel ek hier tuis
tussen ons storiegoed
tot ons weer ontmoet
by die hemeltroon
wil ek hier woon
met ons bed
en ons goed

© Elisma van Zyl

LAASTE VERS (goud)

Deur Datum gepubliseer: 21 Augustus 2022 5

En snags as jy droom
en die nag haar arms om jou vou
sal jy my laaste
vers aan jou ook onthou
die een waar ek bid
dat jy weer heel moet word
veral die strofe
waar ek wens
dat jy my sal kom haal
en my huistoe sal vat.

© 7/2022 Caren Kearley
FB: Nimfoleptiese Woorde

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

 

SOLIDARITEIT – Trotse borg van INK dig/skryf kompetisie

 

Gebruikers Aanlyn

1 Lid, 62 gaste aanlyn

Bydraes – Argief