Die draai in die pad

Die draai in die pad

My tien vingers tel my pad tot hier;
die vuur van gister sak nou tot as.
Ek vee die syfers uit die stof,
maar in my handpalm bly iets vas.
Ek verlaat die pad van enkelsyfers
en stap die oopte met huiwering in,
tot waar een en nul langs mekaar staan:
’n regop mens en wange vol wind.
Die môrewolk hang laag oor my;
ek tel weer een en stap dan aan.

©MarleneErasmus

23/10/2026

Môrewolk:

’n nuutskepping vir die onbekende wat oor ’n nuwe begin hang, met die moontlikheid van sowel voorspoed as teëspoed.