Dis lente… (Brons)
Lente, jou bloeisels bot welig in aanskoue –
so vars, so nuut, so mooi in die ontdooi
van winter wat vervaag van flenter… ys
word warm, lewe seisoen
jou aanraking so sigbaar tussen die vaal,
bring jy hoop tussen die gister-winter
en vandag se mooi getooi
Lente, bring nuut in my hart – suster
bring die reën, sonder om net te leen
en maak jou tuis in my binnehart
se beloftes vir beter, vir meer
trippel-toon jou bloeisel prag
vir elkeen wat bakhand wag.
05/09/2021
14h34nm
Cornien Naudé
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die September 2021 – Positiwiteit projek