rondomtalie

 

 

waar meeue rondomtalie draai

kouefronte ritmies oor ons draal

krappe en skulpe oor strand beweeg

daar lê my duin

 

vandag lê hy skuins

na gisteraand se stormwind

maar nooit is hy dieselfde gevorm

deur golwe se baljaar

 

so rondomtalie my gees

gedagtes en drome uitgevars

uit lang winternagte se geswoeg

om warm te kan wees

 

verspot maklik verander dit

elke dag het sy eie karaktertrekke

weerpatrone soos rondomtalieperdjies

wat van neonkleure wissel

 

so kom my rond en rond dansie

soos die “ring-a-ring-a-rosy” spoedig

tot sy einde soos kinders laggend

op die sand neerplons

 

© Tearlach.