klein bietjie

 

sonstrale bak op my lyf

my bloed borrel van pret

hartseer verdwyn spoedig

alles lyk nou sommer beter

as klein-bietjie-son verskyn

 

kinders baljaar op my duin

brakkies blaf van puur plesier

golwe breek rustig uit op strand

seemeeue skreeu van lewe

as klein-bietjie-son verskyn

 

oumense strompel stil aan

hul oë gerig op die horison

groot skepe lê vasgemeer

ver agter die deining lê mis

as klein-bietjie-son verskyn

 

hou jou hande vir jouself

sê die een vir die ander

as witwater branders vat

mense omrol en kook

in prettige strome seën

as klein-bietjie-son verskyn

 

klein-bietjie-son, klein-bietjie-son

kom tog terug na my toe jong

 

© Tearlach.