sensuele vonk

 

 

jou sagte vel dra nog die vroeë dou
die varsheid van lente in jou loop
skep drome in ‘n ryp gemoed van hoop
sus my gedagtes in jeugdige vertrou

 

in jou oë glinster ‘n diep onthou
eeue-oue wysheid so  stil verloop
wat niemand met rykdom kan koop
die skatkis wat jou siel so veilig hou

 

jy is, toujours et jamais, die brand
van jonge geur met ‘n antieke krag
wat saggies oor my koue lewe waak

 

ek vind rus hier in jou sagte hand;
wysheid van die eeue in donker nag
en jou ou siel my drome sag aanraak

 

© Tearlach.

(toujours et jamais beteken letterlik “altyd en nooit” in Afrikaans)