Bakhand voor die Meester

Bakhand in U teenwoordigheid pleit ek om hulp o Heer. Bakhand is my soeke want U hulp is verseker, keer op keer. Sonder U leiding is ek niks, sonder U teenwoordigheid kom alles ook tot niks.

Dink aan my, feilbaar en sondige mens, U was my eerste en sal tot in ewigheid bly, my laaste wens. Voel ek bedruk, dan troos U altyd. U Gees dra my in elke omstandigheid…
Bakhand pleit ek deur gebed wat geen perke ken, geen afstand kan stuit.
Uit my omstandigheid roep ek luid vir u teenwoordigheid.

Wanneer die donker om my vou, weet ek wie ek kan vertrou
Die stille Gasheer in my gemoed
bly die Here, Hy maak alles goed.

Hou U o Heer oor my die waak, wek my ook met dankbaar lied diep uit die hart. U beloof om my nooit te verlaat,
sien my, bakhand voor U raak.