‘n Voltooide Storie

‘n Voltooide storie

Die storie van 2023 is voltooi
opgeskryf in onthou se boek
in donker nagte is na antwoorde gesoek
in alleen aande het trane net bly vloei.

Elke paragraaf bring ‘n dankbare onthou
leë blaaie gevul met ander se omgee
‘n leë nessie met skenkings opgebou
genade druppels op nuwe weë.

Bladsye vol foto’s van ontdekkingsreise
bring kleur aan ‘n nuwe bestaan
2024 word voortgebou op dié wyse
met geloof, hoop en liefde ingegraveer in elke laan.

So maak ons die boek toe op foute gemaak
want ons Vader het dit klaar uitgevee
en strewe daarna om ander se lewens aan te raak
in elke nuwe dag wat Hy ons gee.

C Diederiks ©