bergie

 

 

jou vuil snotbesmeerde gesig

vodde en lappe van wat oor is

bruin van maande se stofslaap

bloedelope oë drup dwelmsap

 

waar het jy die nag deurgebring

teen watter muur het jy geslaap

reêndruppels sit nog in jou hare

meng nie met die vetterige vuil

 

wie was jy in jou menselewe

wat het jou tot hiertoe gebring

vrae en vrae bly onbeantwoord

tot ondernemer jou kom oplaai

 

wie se medemens is jy ou man

wie en wat het jou so verniel

is dit net jou eie vernielsug

het jy net afgeval van brug

 

© Tearlach.

(Haweloosheid is vandag een van die ernstigste sosiale probleme wat bykans niemand kans sien omaan te spreek nie)