houbaar

 

 

aanhouer wen

dit lê in murg en been

uithou en aanhou tot dit oor is

die laaste pylvak in sig met asem

wat hortent saamtrek na oefening

die ou are wat verbrokkelend kraak

allerhande voorspooksels wat verskyn

gevoelens wat spook soms onrein

vergewe en vergeet is moeiliker

as aanvaarding van verandering

wat enigste konstante is in vandag

afsluiting van eras, kwarteeue

honderde, duisende jare van

geskiedenis maak, en vergeet

doelbewuste toesmeer daarvan

om “die regte ding” te doen

bepaal deur huidige heersers

herskryf van geskiedenisboeke

oorskryf van kulturele waardes

deur stelselmatige indoktrinering

van ‘n jeug wat nie beter weet

hierdie werklikhede kan nie hou

geen houbaarheidswaarde

ontmaskering is aan die kom

die skrif is aan die land se muur

soldate marsjeer reeds luid daar om

die mure wankel onder Sy gelid

wat houbaar gelyk het

is nou net gloeiende

kole tot verbrande as

alles sal moet vernu

uit die stof en as

van gister en

vandag

om mộre

te bring

 

© Tearlach.