Jou verdorde oewers
in die skarlaken
van jou versteekte woorde
wat jy in herhaling aan die
kruis kom hang
spyker jy jou eie
vernielde drome
in die donker storms
van jou lank terug se onthou
wat soos ‘n skamel lendedoek
om jou eensaamheid vou
staan jy dan soos ‘n geknakte riet
(deurtrek van bitter asyn)
probeer manmoedig –
maar tevergeefs nuwe wonde steek
en jy jou hande
in beplande bloedskottels week
‘wyl die brak rivier
oor jou verdorde oewers breek
en jy om genade smeek
huil die sirkel om die sekelmaan
in ‘n uitroep “laat tog nou gaan”
jou ware kleure het drie maal reeds
ge-eggo saam met die
gekraai van ‘n
vervloekte haan
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
3 Kommentare
-
neels
jou werke slaan altyd my asem weg
-
Anze
Baie dankie Arnold en Neels julle kommentaar is kosbaar
Maak 'n opvolg-bydrae
Jy moet aangemeld wees om 'n kommentaar te plaas.
Arnold
En so sal ons nooit van die verloëning ontslae raak nie. Baie raak beskrywing.