Soos Ryp Druiwekorrels
Soos Ryp Druiwekorrels
Soms, net soms,
druk die feesdae swaar op die gemoed
en vul dit met verlange en herinnerings
tot barstens toe vol en woorde ontbreek
tong en lippe stom van ingehoue emosie
dan wil jy saam met Queen sing
I want to break free
om uiting te gee aan jou gevoelens,
maar dan roer en trap jy maar
die letters en woorde deurmekaar
in jou brein se parskuip soos
ryp druiwekorrels en laat die
mos gis en gis
om gedagtes te orden en
soms, net soms,
vind jy gemoedsrus en verras
jy met woorde soos lieflike wyn
en geurige boeket …
Janetta – Helena [Babs] ©
2 Kommentare
-
Janetta-Helena Boonzaaier
Baie dankie ElRoux, ek waardeer dit so baie!
Maak 'n opvolg-bydrae
Jy moet aangemeld wees om 'n kommentaar te plaas.
Elroux
Mooiste nostalgie