stilte

eers sagte dreun geluid

van ver oor die see vibreer dit

vermeerder in intensiteit nie toon

word naderhand so erg dat dit oorneem

alles en almal oorneem tot in diepste siel

dit voel asof my breinlobbe saam vibreer

soos ‘n selfoon se vibrasie net baie meer

sag, onheilspellend dreun die golwe

op strand is daar net grys mis

oor wit huise hang die mis

alles in en om my is net mis

elke gedagte versper deur geluid

dan skielik, asof dit nooit was

verdwyn die geluid en is daar niks

geen geluid – tot naguil skielik skor

sy onderbroke jagtog hervat

stadige hervat van ander

gewone nag geluide

dit was mos

die mishoring

wat alle skepe

waarsku, oor die

gevaar van onsigbaarheid

op die baai se mistige see

© Tearlach.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag