Vir die resensent – Opdrag 1
Nog ‘n frommel-versie
en jy delf nagte diep vir strekkings
wat jou vaardig denke bly ontwyk,
soek vir beeld en metrum,
pluis die rym en lyn,
tob oor dieptes en te vlaktes,
al die pseudo’s en abstraktes.
Kry ‘n hoër ou Pandora
se kis om in te gra,
speur nog ‘n naakte keiser
se yl bedekkings na
en los maar my klein skepsel
net hier by sy ma!
Of jy dink dat omslag dertien
is wat hierdie ding verdien,
dit skeel my nouliks iets
of jy my clichés vind –
dié gedig is vir jou wind –
hy bly my muse-kind!
6 Kommentare
-
-
Charleine
Dankie, Anzé!
-
-
Viooltjie
Goeie werk, Charleine. Bly jy is nou weer met my 😊
-
Loretta Szikra
Mooi gepen Charleine!!
-
Elroux
Pragtige gedig Charleine.
-
Driekie
Dis baie mooi en raak gesê.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie