Geslote deure
Geslote deur (4de skryfkompetisie )
Met ‘n verhefte stem
het jou geslingerde woorde
reg deur my
blou gekneusde hart geboor
en ek wonder…
“is mishandeling altyd dan
‘n gebalde vuis?”
want, jou woorde sny
skerp en diep
en los letsels
wat die blote oog
nie raak kan sien
wie gee aan die stilte ‘n stem?
terwyl modder oor en weer geslinger word
vrees word haar eie deel
vrede word by haar gesteel
ek sien trane wat dans
reflekteer ‘n koue vuur wat brand
hier moet ek weg – hier moet ek uit
en finaal word hierdie deur gesluit
©PcV
2 Kommentare
-
-
Pat Viljoen
Baie dankie. Ja gelukkig is daar altyd keuses. Dankie vir voetstappies hierdeur
-
Maak 'n opvolg-bydrae
Jy moet aangemeld wees om 'n kommentaar te plaas.
Somerreën
Nie maklik nie, maar altyd moontlik om die deur te sluit. Teer gedig.