Welkom, Besoeker
Welkom, Besoeker

Navigeer Tema

Huwelik

Woordbloeisels (goud)

Deur Datum gepubliseer: 29 September 2022 2

Ek pak sterstof teen jou geslote slotsin
omdat ek jou nou stilweg moet laat sterf
want daar is niks wat ons van mekaar kan erf
al moes ons as ‘n bystelling oorbegin

maar ek sal jou in my mond ewig vasboei
want daar is geen keer as woorde ons laat bloei.

© 9/2022 Caren Kearley
FB:…

Teenstryd (goud)

Deur Datum gepubliseer: 29 September 2022 1

Soos ‘n vlietende ewigheidswese
moes ek soms my hande biddend om jou vou
net om só aan ‘n stukkie van jou vas te klou
omdat ek jou lief wou hê sonder vrese

maar my mond was vol letsels en vlekke
en jy tussen hier en nou op ander plekke.

© 9/2022 Caren Kearley
FB: Nimfoleptiese Woorde

Oggendvers

Deur Datum gepubliseer: 21 September 2022 4

Voor die dagbreekhaan kraai
wil ek iets vir jou skryf
want ek moet ‘n vers vir jou los
by die suiderkruis se laagste punt
net ‘n paar woorde
terwyl die maan
nog in jou arms slaap
voor die klam oggend
jou wakker maak
met haar deurskyndende asem
en die vrese van gister
jou naam afstof

wil ek hê jy moet altyd…

Koue liefde (Silwer)

Deur Datum gepubliseer: 31 Augustus 2022 1

As jou hart nie is
waar jy saans (klipkoud) slaap nie
wat soek jy dan daar?

© Loretta Szikra 20220831

LAASTE VERS (goud)

Deur Datum gepubliseer: 21 Augustus 2022 4

En snags as jy droom
en die nag haar arms om jou vou
sal jy my laaste
vers aan jou ook onthou
die een waar ek bid
dat jy weer heel moet word
veral die strofe
waar ek wens
dat jy my sal kom haal
en my huistoe sal vat.

© 7/2022 Caren Kearley
FB: Nimfoleptiese Woorde

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

0 Lid, 230 gaste aanlyn

Bydraes – Argief