alledaags

 

uit my slaapboks met oop oë

sit ek en tuur oor spieëlgladde see

branders het gaan rus vir nou

kleinste sagte klots klanke

verraai veel groter krag

 

oor my duin se rand

skuif daar een bollerige dier

tuur saam met my met sy dowe oë

oor hierdie seënvolle stil oggend

saam verlustig in oranje son

 

ver agter my duin ontwaak

naweek verkeer in haastige geur

vrolike kinder stemme weerklink

teen klam wit mure in stege

waar stilte dikwels heers

 

einde van nog een week

begin van helaas die alledaagse

volgende sewedaagse week

einde van gister se hard

verlustig nou se wees

 

© Tearlach.