daar is iets

 

in sagte lente oggend

vibreer dit van lae tone tot hoog

saggies dring dit my bewuste binne

vermurwe dit my harde realiteit

 

oor my duin suis dit sag

skaars roer dit die sandkorrels

selfs geluide van die see vervaag

in intense oordragsfomulier

 

deur stegies van wit huise

draal die klanke soos suidooster

wat ruk en pluk aan wat kan wees

tot hartsnare buig in reaksie

 

heel my lewe sing ek saam

aan ‘n liefdeslied vol heimee

wat aanpor om in liefde te leef

terwyl geluk in skerwe val

 

daar is iets in die lug

van hierdie lentedae van nou

vol blom-aromas wat geil versprei

ook oor my verwaaide duin

 

© Tearlach.